Sabunçu xəstəxanasında BİABIRÇILIQ: “Dedilər ki, gipsi və binti özün al” – VİDEO
Read Time:51 Second
Ayağı zədələndiyi üçün Sabunçu Tibb Mərkəzinə gələn vətəndaş iddia edir ki, orada ondan gipsin bir hissəsini və binti öz hesabına alması tələb olunub.
Bu barədə Cənubtv.Az Oxu.Az-a istinadən xəbər verir ki, şikayətçi pasiyent Fərid Fuad oğlu Bayramov məlumat verib.
O qeyd edib ki, 13:30-də xəstəxanaya gəlib və tibb işçiləri ona ayağına gips qoyulması üçün lazım olan ləvazimatların bir hissəsini öz vəsaiti hesabına almalı olduğunu deyiblər:
“Dedilər ki, gipsin bir hissəsi bizdə var, qalanını özünüz alın. Binti də özünüz almalısınız. Onları almadan ayağınızı gipsə qoymayacağıq”.
F.Bayramovun sözlərinə görə, bununla razılaşmayaraq aidiyyəti qurumlara şikayət edib.
O bildirib ki, bundan sonra xəstəxanada münasibət dəyişib və tələb olunan ləvazimatlar tapılıb.
Pasiyentin iddiasına görə, sonradan tibb işçiləri ona istifadə olunan gips və binti öz vəsaitləri hesabına aldıqlarını deyiblər.
Hazırda F.Bayramovun ayağı gipsə salınıb.
Şikayətçi həmçinin onu da qeyd edib ki, ondan sonra gələn pasiyentlərdən də öz vəsaitləri hesabına bint almaları tələb olunur.
Məsələ ilə bağlı aidiyyəti quruma sorğu ünvanlanıb, TƏBİB-dən şikayətin araşdırılacağı qeyd olunub.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating