Cenubtv.az xəbər verir ki, Qazax rayonu ərazisində kəskin alətlə törədilən cinayət hadisəsi baş verib.
Rayon sakinləri olan 1996-cı il təvəllüdlü N.Mustafayev və C.Kazımov müxtəlif dərəcəli bıçaq xəsarətləri ilə tibb müəssisəsinə çatdırılıblar.
Zərərçəkənlərə dərhal zəruri tibbi yardımlar göstərilib və həkimlər onların vəziyyətini normal qiymətləndirirlər.
Hüquq-mühafizə orqanlarının əməkdaşlarının həyata keçirdikləri əməliyyat-axtarış tədbirləri nəticəsində həmin xəsarətləri yetirməkdə şübhəli bilinən 34 yaşlı Əfqan Musayev yaxalanaraq istintaqa təhvil verilib.





