Kamçatkada vulkanda çarəsiz qalan Azərbaycan vətəndaşı SON VƏZİYYƏTİ AÇIQLADI – FOTO – VİDEO
Read Time:2 Minute, 29 Second
Kamçatkada Tolbaçik vulkanının ərazisində çarəsiz vəziyyətdə qalan turistlərlə bağlı tədbir görülüb.
Cenubtv.Az-ın xəbərinə görə, bu barədə turistlər arasında olan Azərbaycan vətəndaşı Tatyana Dolivets öz “Instagram” hesabında paylaşım edib.
“Hər kəsə dəstək üçün təşəkkür edirəm. Biz isti şəraitdəyik, bizim isinə biləcəyimiz evimiz, isti yataqlar və çadırlarımız var.
Axşam üçün bizə digər düşərgədən yemək verdilər”, – deyə o paylaşımda yazıb.
“Rusiya Federasiyasının Kamçatka vilayətində ötən gün yağan güclü yağışlar nəticəsində Milkovo-Klyuçi-Ust-Kamçatsk regional yolunun bir hissəsi tam yararsız vəziyyətə düşüb. Nəticədə turist qrupunun Tolbaçik vulkanının ərazisində, “Kleşnya” turist dayanacağının yaxınlığında mövqe tutması və çıxılmaz vəziyyətdə qalması barədə məlumat daxil olub”.
Bu barədə Cenubtv.Az-ın sorğusuna cavab olaraq Azərbaycan Fövqəladə Hallar Nazirliyinin Mətbuat xidmətindən məlumat verilib.
“Turist qrupunda bir neçə ölkənin vətəndaşları ilə yanaşı, Azərbaycan Respublikasının vətəndaşı Tatyana Dolivets adlı şəxsin olduğu da bildirilir. Bu bərədə Azərbaycan Respublikasının Fövqəladə Hallar Nazirliyinə məlumat daxil olduqdan dərhal sonra Rusiya Federasiyasının Mülki Müdafiə, Fövqəladə Hallar və Təbii Fəlakətlərin Nəticələrinin Aradan Qaldırılması üzrə Nazirliyi ilə əlaqə saxlanılıb. Rusiya FHN vəziyyətlə bağlı zəruri tədbirlərin həyata keçirildiyini bildirib. Hazırda Rusiya tərəfi ilə mütəmadi olaraq əlaqə saxlanılır. Məsələ ilə bağlı ictimaiyyətə əlavə məlumat veriləcək”, – deyə məlumatda bildirilir.
Əzizə İsmayılova
Rusiya Fövqəladə Hallar Nazirliyinin Kamçatka diyarı üzrə Baş İdarəsinin əməliyyat qrupu hazırda yolun yuyulmuş hissəsindədir və vəziyyəti qiymətləndirmək üçün pilotsuz aviasiya sistemlərindən də istifadə edir.
Bu barədə Cenubtv.Az Rusiya KİV-ə istinadən xəbər verir.
Məlumata görə, vəziyyət Rusiya Fövqəladə Hallar Nazirliyinin Kamçatka diyarı üzrə Baş İdarəsinin nəzarətindədir. Yolun bu hissəsinin açılması ilə bağlı əlavə olaraq məlumat veriləcək.
Avqustun 22-də turistlər Rusiyanın şərqində, Kamçatkanın Ploski Tolbaçik vulkanında avtomobillərində çarəsiz qalıblar.
Cenubtv.Az-ın xəbərinə görə, bu barədə “Kamçatka-İnform” agentliyi məlumat verir.
Məlumata görə, turistlərin bir neçə saat ərzində vulkana doğru getdikləri yol güclü yağış nəticəsində tamamilə yuyulub.
Azərbaycan vətəndaşı, aparıcı və animator Tatyana Dolivets də çarəsiz qalan turistlər arasındadır. O, bu barədə öz “Instagram” səhifəsində paylaşım edib.
Tatyana Dolivetsin sözlərinə görə, 16 nəfərlik qrup Tolbaçik vulkanının ərazisində, “Kleşnya” turist dayanacağının yaxınlığındadır. O iddia edir ki, yolun təxminən 30 kilometri yuyulub və hazırda geri qayıtmaq imkanı yoxdur.
“Turist qrupu ilə birlikdə Kamçatkada, Tolbaçikdə ilişib qalmışıq. “Kleşnya” dayanacağındayıq. Yol yuyulub. 30 km-dir. Geri dönüş yolu yuyulub, çay öz məcrasından çıxıb və geri qayıtmaq mümkün deyil. Biz “Ural” maşınındayıq. Bizdən əlavə, burada böyük torpaqdan təcrid olunmuş təxminən 100 nəfər var. Ərzaqlar yalnız bir günlük qalıb”, – deyə o bildirib.
Dolivetsin sözlərinə görə, turistlər arasında Çin, Belarus, İsrail və Rusiya vətəndaşları da var.
Mobil internetin olmaması səbəbindən turist qadın əlaqə yarada biləcəyi və paylaşım edəcəyi yerə çıxıb. O, Rusiyanın fövqəladə xidmətlərinin və Azərbaycandakı müvafiq dövlət strukturlarının məsələyə cəlb edilməsi üçün kömək istəyib.
Xatırladaq ki, son günlər Kamçatkada yollarda nəqliyyatla bağlı problemlər yaşanır. Ötən gün güclü yağışlar Milkovo-Klyuçi-Ust-Kamçatsk regional yolunu yuyub aparıb. Anavqay və Esso kəndlərinə aparan qovşaqdan Kozırevsk çıxışına qədər olan 153-cü kilometrdən 191-ci kilometrə qədər olan hissə müvəqqəti olaraq bütün nəqliyyat vasitələri üçün bağlanıb. Yol işçiləri hazırda yolun bərpası üzərində işləyirlər.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating