Tramp ABŞ və İran arasında sazişin imzalanmasından DANIŞDI
Read Time:42 Second
ABŞ Prezidenti Donald Tramp İranla sazişin imzalandığını, Hörmüz boğazının artıq gəmiçilik üçün qismən açıldığını, iyunun 19-da isə tamamilə açılacağını bəyan edib.
Cənubtv.az RBC-ya istinadən xəbər verir ki, Tramp bu barədə G7 sammiti üçün getdiyi İsveçrədə bildirib.
“Saziş tam imzalanıb. Hörmüz boğazı artıq qismən açıqdır. Gəmilər artıq hərəkətə başlamaqdadır. Cümə günü o, tamamilə açılacaq. Biz İranla çox yaxşı anlaşdıq”, – deyə Tramp bildirib.
Vaşinqton və Tehran arasında anlaşma memorandumunu elektron formada ABŞ Prezidenti Donald Tramp, vitse-prezident Cey. Di. Vens və İran parlamentinin sədri Məhəmməd Baqir Qalibaf imzalayıblar.
Bu barədə isə CNN və “Axios”un jurnalisti Barak Ravid amerikalı rəsmiyə istinadən məlumat yayıb.
Sonradan Tramp Fransa Prezidenti Emmanuel Makronla görüşü zamanı memorandumun imzalandığını təsdiqləsə də, təfərrüatı açıqlamayıb.
Sazişin rəsmi imzalanma mərasimi iyunun 19-da Cenevrədə baş tutacaq. Tramp bildirib ki, bundan qısa müddət sonra müqavilənin şərtləri təqdim olunacaq.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating