Tarixi tənqidçilər – məktəblilərin media savadlılığının artırılmasına dəstək” layihəsinin bağlanış mərasimi keçirildi
Read Time:56 Second
Azərbaycan Respublikası Elm və Təhsil Nazirliyi, Təhsildə İnkişaf və İnnovasiyalar üzrə IX qrant müsabiqəsinin qaliblərindən biri olan “Tarixi tənqidçilər – məktəblilərin media savadlılığının artırılmasına dəstək” layihəsi uğurla başa çatdı. Layihənin bağlanış mərasimi Göytəpə şəhər Vasif Hüseynov adına 2 nömrəli tam orta məktəbdə təşkil olunaraq müəllimlər, valideynlər, şagirdlər və ictimaiyyət nümayəndələrinin iştirakı ilə keçirildi.
Layihə çərçivəsində təşkil olunan təlimlərə 5 ümumtəhsil məktəbindən 100 nəfər şagird cəlb olunmuşdur.
Bağlanış mərasumində layihənin məqsədləri və əldə olunan nəticələr təqdim olundu. Təlimlər zamanı şagirdlər:
Məlumatın etibarlılığını yoxlamağı, faktları araşdırmağı öyrəndilər;
Tənqidi düşüncə bacarıqlarını inkişaf etdirdilər;
Rəqəmsal təhlükəsizlik qaydaları ilə tanış oldular;
Məsuliyyətli paylaşım və media mədəniyyəti mövzularında biliklər qazandılar.Həmçinin” Tariximizə ekskursiya”infoturu çərçivəsində tarixi məkanlar haqqında verilən məlumatları real müşahidələrlə müqayisə etmək imkanı yaranmışdır.
Layihə çərçivəsində keçirilən tədbirlər şagirdlərin gündəlik həyatlarında daha savadlı, təhlükəsiz və məsuliyyətli media istifadəçiləri kimi formalaşmasına şərait yaratdı.
Bağlanış mərasimində çıxış edən layihə rəhbəri Gülnar Aslanova vurğuladı ki, bu təşəbbüs məktəblilərin informasiya bolluğu dövründə düzgün seçim etməsinə, yanlış məlumatlardan qorunmasına və sağlam media mühitində yetişməsinə mühüm töhfə verdi.
Layihənin nəticələri həm məktəb icması, həm də valideynlər üçün maarifləndirici əhəmiyyət daşıyır və gələcəkdə oxşar təşəbbüslərin genişlənməsinə zəmin yaradır.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating