TƏKİ VƏTƏN YAŞASIN
Read Time:38 Second
Ədalət Salman
TƏKİ VƏTƏN YAŞASIN
Qarabağ döyüşlərində
əlil olmuş igidlərimizə
Siz- düşmən bağrına sancılan bir ox,
Siz- elin dayağı, yurdun sipəri.
Biz sizi tanıda bilməmişik, yox,
Siz Allah, əfv edin biz şairləri!
Mən düşkün görmədim sizi heç vədə,
Qolunu, qıçını itirən də var.
Döyüşdən dönəndə öz bədənində
Güllə qəlpələri gətirən də var.
Siz ey sinəsini sipər edənlər,
Ölümün üstünə mərd tək gedənlər.
Sarsılmaz dəyanət gördüm mən sizdə,
Yarı canınızı itirsəniz də!
Sağkən qiymətiniz verilməlidi,-
Qoy sizə qəhrəman adını verək!
Sizə söz çələngi hörülməlidi,
Sağkən heykəliniz qoyulsun gərək!
Heç nə qıra bilməz inadınızı,
Bir gün xoş müjdəni tarixə yazın.
Siz qurban verdiniz həyatınızı,
Təki yurd yaşasın, Vətən yaşasın!
Qələbə eşqi var dağ köksünüzdə,
Siz yenə keşikdə durmusuz ayıq,
Döyüşə gedəndə başımız üstə
Biz sizi bayraq tək qaldırmalıyıq!
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating