Moskva vilayətinin iki sakini 16 qutu kərə yağına görə 10 il müddətinə azadlıqdan məhrum edilə bilər.
Aprelin 11-də 21 yaşlı bir qız “Perekrestok”a gəlib və heç nədən çəkinmədən çantasına təxminən üç min rubl dəyərində on altı qutu kərə yağı yığıb. Bütün hərəkətləri müşahidə kamerası tərəfindən lentə alındığı üçün girişdə o, iki mühafizəçi tərəfindən saxlanılıb.
Ancaq bu zaman bir dostu qıza kömək etmək üçün marketə girib. O, Mariyanı (və yağı) geri almaq üçün o qədər canfəşanlıq göstərib ki, evdə hazırlanmış bir silahı çıxararaq mühafizəçiləri hədələməyə başlayıb.
Cütlük polis tərəfindən saxlanılıb.
