Göyçayda qəzaya uğrayan VAZ kanala düşdü: Sürücünün meyiti tapıldı – VİDEO

Göyçay rayonu, Kürdəmiş kəndində VAZ-2106 markalı avtomobilin su kanalına düşməsi nəticəsində itkin düşən sürücünün meyiti tapılıb.

Cənubtv.Az bununla bağlı Fövqəladə Hallar Nazirliyinə (FHN) istinadən xəbər verir.

Bildirilib ki, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc qrupu tərəfindən 1942-ci il təvəllüdlü Ağalar Şamil oğlu Osmanovun meyiti suda tapılıb çıxarılaraq aidiyyəti üzrə təhvil verilib.

14:48

Fövqəladə Hallar Nazirliyinin (FHN) “112” qaynar telefon xəttinə Göyçay rayonu, Kürdəmiş kəndində içərisində vətəndaşın olduğu VAZ-2106 markalı avtomobilin su kanalına düşməsi barədə məlumat daxil olub.

Cənubtv.Az xəbər verir ki, bununla bağlı FHN məlumat yayıb.

Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc qrupu axtarışlara cəlb olunub.

Hazırda avtomobilin kanala düşdüyü istiqamətdə vətəndaşın axtarışları davam etdirilr  axtarılan şəxs VAZ-ın sürücüsü, 84 yaşlı Ağalar Osmanovdur.

11:53

Göyçayda yol-nəqliyyat hadisəsi baş verib.

Cənubtv.Az  xəbər verir ki, hadisə bu gün saat 10 radələrində Göyçayın Cəyirli kəndi ərazisində qeydə alınıb.

Belə ki, VAZ-2106 markalı avtomobil əvvəlcə KIA markalı maşınla toqquşub, daha sonra su kanalına düşüb.

Avtomobilin kanaldan çıxarılması üzrə işlər davam etdirilir.

About Post Author

RÖVŞƏN MEHDIYEV

Cenubtv.az internet portalı 2022-ci il Aprel ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı xəbərləri geniş auditoriyaya təqdim etməkdir. Təsisçi – Rövşən Adil oqlu| Əlaqə: +994 51 546 46 45 Mail:Cenubtv.az@gmail.com

Cenubtv.az@gmail.com

https://cenubtv.az

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %