Cəlilabadda Beynəlxalq Ahıllar Günü münasibətilə tədbir keçirilib
Read Time:44 Second
Cenubtv.Az xəbər verir ki, 1 Oktyabr – Beynəlxalq Ahıllar Günü münasibətilə Cəlilabad Rayon İcra Hakimiyyətinin təşkilatçılığı ilə tədbir keçirilib.
Tədbirdə Cəlilabad Rayon İcra Hakimiyyətinin başçısı Rafiq Cəlilov çıxış edərək Beynəlxalq Ahıllar Gününün ölkəmizdə 1993-cü ildən qeyd olunduğunu diqqətə çatdırıb. Bildirib ki, xalqımızın Ümummilli Lideri Heydər Əliyev ahıl insanlara, onların sosial problemlərinin həllinə hər zaman böyük diqqət və qayğı ilə yanaşıb.
Qeyd olunub ki, bu gün də yaşlı insanların sosial müdafiəsinin gücləndirilməsi və onların rifahının yaxşılaşdırılması Azərbaycan Respublikasının Prezidenti cənab İlham Əliyevin diqqət mərkəzindədir. Dövlət başçısının imzaladığı müvafiq fərman və sərəncamlar əsasında ahıl vətəndaşlara dövlət qayğısının artırılması istiqamətində mühüm tədbirlər həyata keçirilir.
Rafiq Cəlilov Beynəlxalq Ahıllar Günü münasibətilə tədbir iştirakçılarını təbrik edib, onlara möhkəm cansağlığı, uzun ömür və firavan həyat arzulayıb.
Tədbirdə çıxış edənlər yaşlı nəslə göstərilən diqqət və qayğıya görə dövlət başçısına minnətdarlıqlarını ifadə edib, ahıl insanların sosial müdafiəsinin gücləndirilməsi istiqamətində həyata keçirilən tədbirləri yüksək qiymətləndiriblər.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating