Qətərdə zavodda partlayış: 13 ölü, 66 yaralı
Read Time:1 Minute, 51 Second
Qətərdə qaz emalı zavodunda baş verən partlayış nəticəsində azı 13 nəfər ölüb, 66 nəfər yaralanıb.
Cənubtv.Az TASS-a istinadən xəbər verir ki, bu barədə əmirliyin energetika məsələləri üzrə dövlət naziri, “QatarEnergy” şirkətinin rəhbəri Səəd bin Şəridə əl-Kəəbi məlumat verib.
Nazir hadisənin qəza nəticəsində baş verdiyini vurğulayıb.
Şirkət rəhbəri əlavə edib ki, hadisə təbii qaz ixracına təsir göstərməyəcək.
Qətərin Doha şəhərindən şimal-şərqdə yerləşən Ras-Laffan sənaye zonasındakı qaz emalı zavodunda baş verən partlayış nəticəsində azı 54 nəfər yaralanıb, daha 18 nəfər isə itkin düşmüş hesab olunur.
Cənubtv.Az xəbər verir ki, bu barədə sözügedən ərəb ölkəsinin Daxili İşlər Nazirliyi (DİN) məlumat yayıb.
“Ras-Laffan sənaye zonasındakı zavodların birində qeydə alınan qəza nəticəsində xəsarət alanların ümumi sayı 54 nəfərə çatıb. Eyni zamanda, axtarış-xilasetmə qüvvələri itkin düşmüş şəxslərin axtarışı üzrə əməliyyatlar həyata keçirir”, – deyə DİN-dən bildirilib.
Daha əvvəl mediada yerli sakinlərin dünən axşam saatlarında Dohanın bir neçə rayonunda zəlzələni xatırladan qəribə təkanlar hiss etdikləri barədə məlumatlar yayılmışdı.
Bildirilirdi ki, binaların qapı və pəncərələri titrəyib. Daha sonra Qətər DİN Ras-Laffan sənaye bölgəsində lokal partlayışın baş verdiyini açıqlayıb.
“Reuters” agentliyi isə özəl mənbələrinə istinadən xəbər verib ki, hadisə istismar xətası səbəbindən “Barzan” qaz emalı zavodunda qeydə alınıb.
Qətərin paytaxtı Dohanın şimal-şərqində yerləşən Ras Laffan sənaye zonasındakı zavodlardan birində partlayış baş verib. Həmin ərazidə ölkənin mayeləşdirilmiş təbii qaz istehsalı üzrə əsas müəssisələri yerləşir.
Cənubtv.Az TASS-a istinadən xəbər verir ki, bu barədə əmirliyin Daxili İşlər Nazirliyi məlumat yayıb.
Bildirilib ki, mülki müdafiə qüvvələri hadisənin nəticələrinin aradan qaldırılması istiqamətində işlər aparır. Daha sonra Qətər Daxili İşlər Nazirliyi açıqlayıb ki, partlayış nəticəsində bir neçə nəfər xəsarət alıb.
“Əvvəlki məlumatı tamamlayaraq bildiririk ki, hadisə Ras Laffan sənaye zonasındakı zavodlardan birində iş prosesi zamanı baş vermiş texniki nasazlıq nəticəsində meydana gəlib. Nəticədə bir neçə nəfər xəsarət alıb. Bununla yanaşı, insanların təhlükəsizliyinə təhdid yarada biləcək qaz və ya digər maddələrin sızması qeydə alınmayıb”, – deyə açıqlamada bildirilir.
Bundan əvvəl “Reuters” agentliyi mənbəyə istinadən xəbər vermişdi ki, Ras Laffan sənaye zonasında yerləşən “Barzan” qaz emalı zavodundakı partlayış istismar zamanı yol verilmiş texniki səhv nəticəsində baş verib.
Daha əvvəl isə TASS agentliyi Dohanın bir neçə rayonunun sakinlərinin zəlzələni xatırladan qəribə təkanlar hiss etdiklərini bildirmişdi. Məlumata görə, binalarda pəncərə və qapılar silkələnib.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating