Rusiyada 10 il əvvəl müəmmalı ölümün baş verdiyi evdə daha iki cəsəd tapıldı

Read Time:40 Second

Moskvada rieltor biznesmen ər-arvadın meyitləri tapılıb.

Bildirilir ki, 53 yaşlı Pavel və 49 yaşlı Mariya Sorokinlərin daşınmaz əmlakın kirayəsi və satışı ilə bağlı biznesi olub. Onlar uzun müddət qohumları ilə əlaqə saxlamayıblar: heç biri zənglərə cavab verməyiblər, yaşadıqları mənzilin qapısını açan olmayıb. Bundan narahat olan qohumlar hüquq-mühafizə orqanlarının əməkdaşlarına xəbər veriblər.

Polislər mənzili açanda Pavel və Mariyanın öldüyünü görüblər. Mənzildə qan izləri, sınmış qablar və səpələnmiş əşyalar olub.

Polis və prokurorluq orqanları araşdırma aparır, ikiqat qətl versiyası nəzərdən keçirilir.

Maraqlıdır ki, mənzil əvvəllər casusluqda ittiham olunan Yevgeni Çiçvarkinə və onun valideynlərinə məxsus olub. Qaçaq oliqarxın anası 2010-cu ilin aprelində məhz bu mənzildə müəmmalı şəraitdə dünyasını dəyişib. Həmin vaxt müxtəlif şayiələr yayılıb. Lakin bildirilib ki, Lyudmila Gennadiyevna mətbəxdə metlaxın üstündə sürüşüb və başı masanın küncünə dəyib, nəticədə o ölüb.

About Post Author

RÖVŞƏN MEHDIYEV

Cenubtv.az internet portalı 2022-ci il Aprel ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı xəbərləri geniş auditoriyaya təqdim etməkdir. Təsisçi – Rövşən Adil oqlu| Əlaqə: +994 51 546 46 45 Mail:Cenubtv.az@gmail.com

Cenubtv.az@gmail.com

https://cenubtv.az