Balakəndəki 4 nəfərin öldüyü dəhşətli qəzada xəsarət alan şəxsin son durumu – RƏSMİ
Read Time:53 Second
Balakən rayonunun Katex kəndi ərazisində baş verən yol-nəqliyyat hadisəsi nəticəsində xəsarət alan şəxsin vəziyyəti açıqlanıb.
Bu barədə Cenubtv.Az Oxu.Az-a istinadən xeber verir ki, Tibbi Ərazi Bölmələrini İdarəetmə Birliyindən (TƏBİB) bildirilib.
Məlumatda qeyd edilir ki, hadisə nəticəsində xəstəxanaya hospitalizasiya olunan 1965-ci il təvəllüdlü şəxsə sol qapalı kəllə-beyin travması, baş-beynin silkələnməsi, sol qabırğaların çoxsaylı sınıqları, hemopnevmotoraks, sol baldır sümüklərinin yerdəyişmiş qəlpəli sınıqları və bədənin çoxsaylı əzilmələri diaqnozu təyin edilib.
Hazırda müalicəsi Reanimasiya şöbəsində davam etdirilir. Vəziyyəti orta ağır qiymətləndirilir.
Xatırladaq ki, avqustun 10-da Balakən rayonunun Katex kəndi ərazisində zəncirvari yol-nəqliyyat hadisəsi baş verib. “Toyota”, “Hyundai” və KIA markalı avtomobillərin toqquşması nəticəsində “Hyundai” markalı avtomobilin sürücüsü, 1997-ci il təvəllüdlü Məryəm Kamil qızı Hoorsova, “Toyota” markalı avtomobildə olan sərnişinlər – 1974-cü il təvəllüdlü Pərvanə Zahid qızı Məmmədova, 1999-cu il təvəllüdlü Rəşad Yaşar oğlu Mütəllibov hadisə yerində, “Toyota”nın sürücüsü 1975-ci il təvəllüdlü Yaşar Mahamarəsul oğlu Mütəllibov isə xəstəxanada dünyasını dəyişiblər.
Hadisə zamanı “Hyundai” markalı avtomobildə olan sərnişin 1965-ci il təvəllüdlü Şərif Siracəddin oğlu Soltanov isə ağır xəsarətlərlə xəstəxanaya yerləşdirilib.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating