Cəlilabad Rayon Mərkəzi Xəstəxanasındakı acınacaqlı vəziyyət.
Read Time:58 Second
Cəlilabad Rayon Mərkəzi Xəstəxanasının təcili tibbi yardım şöbəsində (“acil” hissəsində) ciddi həkim çatışmazlığı yaşanır. Xəstəxanaya təcili xəstə gətirildikdə qəbul edəcək növbətçi həkim tapılmır. Hazırda bütün yük və məsuliyyət yalnız tibb bacılarının üzərinə düşüb. Onların fədakarlığı olmasa, xəstələrin vəziyyəti daha da ağırlaşar.
Əvvəllər təcili yardım şöbəsində fəaliyyət göstərən bir neçə həkim isə yeni təyin olunmuş icraçı direktordan sonra işdən uzaqlaşıb və ya yoxa çıxıb. Tez-tez icraçı direktorların dəyişdirilməsi xəstəxananın problemlərini həll etmir; müəssisəyə ilk növbədə peşəkar həkim heyəti lazımdır.
Cəlilabad xalqı hər zaman dövlətinə, vətəninə sadiq olub, torpaqlarımızın azadlığı uğrunda canından və malından keçib. Lakin bu gün rayon sakinləri xəstəxanada həkim tapılmaması səbəbindən vaxtında tibbi yardım ala bilmir və həyatlarını itirirlər. Qaydaya görə, xəstəyə ilkin diaqnozu həkim qoymalı, tibb bacısı isə müvafiq müalicəni tətbiq etməlidir. Hazırda isə xəstələr faktiki olaraq taleyin ümidinə buraxılıb.
Digər bir problem isə həkim qüvvəsinin düzgün bölünməməsidir. Mövcud olan bir-iki həkim mərkəzi xəstəxanadan təqribən 2 km uzaqlıqda yerləşən Müalicə-Diaqnostika Mərkəzində fəaliyyət göstərir. Halbuki həmin həkimlər Mərkəzi Xəstəxananın təcili yardım şöbəsinə cəlb olunsaydılar, kritik vəziyyətdə olan xəstələrə dərhal və effektiv müdaxilə etmək mümkün olardı. Aidiyyatı qurumlardan bu məsələyə təcili reaksiya vermələrini xahiş edirik.
Müəllif .Təsisçi Rövşən Mehdiyev
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0
Average Rating