Azərbaycanda qatarın avtomobillə toqquşmasının anbaan videosu

Salyanda “Mercedes-Benz” markalı minik avtomobili ilə qatarın toqquşmasının yeni təfərrüatı məlum olub.

Görüntülərdən aydın olur ki, avtomobildə yaranan problem səbəbindən sürücü nəqliyyat vasitəsini dəmiryol relslərinin üzərində tərk edir.

Qısa müddət sonra isə avtomobil hərəkətdə olan qatarla toqquşur.

13:45

“Azərbaycan Dəmir Yolları” (ADY) QSC dəmir yolunda avtomobilin qatarla toqquşması ilə bağlı məlumat yayıb.

bu gün səhər saatlarında “Mercedes” markalı minik avtomobilinin sürücüsünün dəmiryol keçidi ilə bağlı qaydaları pozması nəticəsində idarə etdiyi avtomobil Salyan-Salmanlı sahəsində hərəkətdə olan lokomotivin qarşısına çıxıb:

“Maşinist təcili tormozlama aparsa da, məsafə az olduğundan toqquşma qaçılmaz olub. Hadisə nəticəsində lokomotivə zərər dəyib.

ADY bir daha hərəkət iştirakçılarını dəmiryol keçidlərinə yaxınlaşarkən son dərəcə diqqətli olmağa, yolun qatardan boş olduğuna əmin olduqdan sonra hərəkəti davam etdirməyə, yol hərəkəti qaydalarına, o cümlədən yol nişanlarının tələblərinə ciddi əməl etməyə çağırır.

Nəzərə almaq lazımdır ki, yol həmişə qatarındır”.

Samir Əli

13:24

Salyan rayonunda qatarla “Mercedes-Benz” markalı minik avtomobili toqquşub.

Cenubtv.Az Oxu.Az-a istinadən xəbər verir ki , hadisə rayonun Arbatan kəndi ərazisində qeydə alınıb.

İlkin məlumata görə, qatarla toqquşan avtomobilə ziyan dəyib. Hadisə nəticəsində sürücü xəsarət almayıb.