Qəzaya şərait yaradan sürücülər məsuliyyətə cəlb olunmalıdırlar? – VİDEO
Read Time:1 Minute, 1 Second
Yol hərəkəti zamanı bəzi sürücülərin təhlükəli manevrləri qəza ilə nəticələnməsə belə, digər hərəkət iştirakçılarını ciddi risk altında qoyur.
Baku TV-nin məlumatına görə, nəticədə qəza qaçılmaz olur, hadisəyə səbəb olan isə heç nə olmamış kimi yoluna davam edir.
Mütəxəssislər hesab edirlər ki, belə halların hüquqi qiymətləndirilməsi yol hərəkətinin təhlükəsizliyi baxımından vacibdir. Nəqliyyat eksperti Samuran Səmədbəyli bildirib ki, bəzən sürücülər qəfil zolaq dəyişir, təhlükəli manevrlər edir və ya yol vermirlər.
Nəticədə isə toqquşma baş verir: “Ancaq qəza anında həmin sürücü yol-nəqliyyat hadisəsinin birbaşa iştirakçısı olmur. Yəni avtomobili heç bir toqquşmaya məruz qalmadığı üçün səbəbkar olduğu halda hadisə yerini tərk edir. Belə halların qarşısını almaq üçün ilk növbədə, şəhərdaxili müşahidə kameralarından daha effektiv istifadə olunmalıdır. Əgər araşdırma nəticəsində müəyyən edilərsə ki, qəza məhz həmin sürücünün qanunsuz hərəkəti nəticəsində baş verib, o da məsuliyyətə cəlb edilməlidir. Çünki yol hərəkəti qaydalarını pozmaqla təhlükəli vəziyyət yaradan şəxs qəzanın baş verməsində səbəbkar hesab olunur”.
Ekspert onu da qeyd edib ki, belə hallar ciddi şəkildə araşdırılmalı, hətta toqquşmaya səbəb olan sürücü dəymiş ziyanı da ödəməlidir: “Əsas məqsəd odur ki, heç bir sürücü “heç kimə toxunmadım, deməli, məsuliyyət daşımıram” düşüncəsində olmasın. Əgər onun qayda pozuntusu başqa hərəkət iştirakçılarının qəza etməsinə səbəb olubsa, bu əməl mütləq hüquqi qiymət almalıdır”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating