Əks zolağa çıxan sərnişin avtobusu qəza vəziyyəti yaratdı – ANBAAN VİDEO
Read Time:35 Second
Bakıda sərnişin avtobusunun sürücüsü təhlükəli ötmə əməliyyatı etməklə digər hərəkət iştirakçılarının həyatını riskə atıb.
Cənubtv.az Oxu.Az-a istinadən xəbər verir ki, qaynar xəttinə müraciət edən sürücünün sözlərinə görə, hadisə Zığ şosesində qeydə alınıb.
Bildirilib ki, 103 nömrəli marşrut xətti üzrə hərəkət edən sərnişin avtobusunun sürücüsü qarşısında olan avtobusu ötmək üçün əks hərəkət zolağına çıxıb. Bu zaman qarşı istiqamətdən avtomobillərin gəlməsinə baxmayaraq təhlükəli manevrini davam etdirib.
“Maşında ailəmlə birlikdə idim. Qəzadan son anda yayına bildim. Bu cür məsuliyyətsiz sürücülərə qarşı tədbir görülməlidir”, – deyə şikayətçi bildirib.
Məsələ ilə bağlı Bakı Şəhər Dövlət Yol Polisi İdarəsindən Oxu.Az-ın sorğusuna cavab olaraq bildirilib ki, videogörüntü ilə bağlı araşdırma aparılır, sürücü müəyyən edilərək barəsində qanuna müvafiq tədbir görüləcək.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating