ANAMA əməkdaşları olan qardaşlar nişandan qayıdarkən qəzaya düşdülər – BİRİ ÖLDÜ
Read Time:1 Minute, 1 Second
Beyləqanda baş verən qəza zamanı ağır xəsarət alanlar ANAMA əməkdaşları olublar.
Cenubtv.az “Qafqazinfo”ya istinadən xəbər verir ki, qəzada xəsarət alan qardaşlardan biri ölüb.
Belə ki, 1996-cı il təvəllüdlü Elvin Bariz oğlu Həşimov həkimlərin göstərdikləri reanimasyon tədbirlərə baxmayaraq xəstəxanada vəfat edib.
Faktla bağlı araşdırma aparılır.
Beyləqan rayonunda yol-nəqliyyat hadisəsi baş verib.
Cenubtv.az-ın məlumatına görə hadisə bu gün səhər 4-5 radələrində Birinci Şahsevən kəndi ərazində qeydə alınıb.
Hadisəyə “Khazar” markalı avtomobilin yoldan çıxaraq aşması səbəb olub. Nəticədə üç nəfər xəsarət alıb.
Xəsarət alanlar – sürücü, 1999-cu il təvəllüdlü Ülvi Bariz oğlu Həşimov, onun qardaşı, 1996-cı il təvəllüdlü Elvin Bariz oğlu Həşimov və digər sərnişin, 1999-cu il təvəllüdlü Məhərrəm Elman oğlu Səfərov Beyləqan Rayon Mərkəzi Xəstəxanasına (RMX) çatdırılıblar.
Onların nişan mərasimindən qayıtdıqları bildirilir.
Faktla bağlı araşdırma aparılır.
Cenubtv.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, oktyabrın 13-də, saat 5:00-da Beyləqan rayonunda yol-nəqliyyat hadisəsi səbəbi ilə xəsarət alan üç nəfər (kişi) Beyləqan Rayon Mərkəzi Xəstəxanasına hospitalizasiya olunub.
“Onlara bədənin müxtəlif nahiyələrinin çox sayda travması diaqnozu təyin edilib. Pasiyentlərin müalicəsi Beyləqan RMX-nin Reanimasiya və intensiv terapiya şöbəsində davam etdirilir, vəziyyətləri stabil olaraq qiymətləndirilir”, – deyə məlumatda bildirilib.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating