Ronaldu telefonunu sındırdığı azarkeşdən üzr istəyib, onu oyuna dəvət etdi – FOTO
Read Time:36 Second
İngiltərənin “Mançester Yunayted” klubunun futbolçusu Kriştianu Ronaldu “Everton”la Premyer Liqa matçından sonra sındırdığı telefona görə azarkeşdən üzr istəyib.
Bu barədə 37 yaşlı hücumçu şəxsi instaqramında yazıb.
“Qırmızı şeytanlar”ın 0:1 hesabı ilə yenildiyi səfər qarşılaşmasının ardından Ronaldu paltardəyişmə otağına yollandığı vaxt azarkeşin əlindən vuraraq, telefonunu yerə salıb. Portuqaliyalı forvard belə anlarda emosiyalara hakim olmağın heç də həmişə asan olmadığını bildirib: “Bununla belə, biz hər zaman hörmət, dözüm nümayiş etdirməli, gözəl oyunumuzu sevən gənclərə nümunə olmalıyıq. Çılğınlığıma görə üzr istəyir, ədalət və idman prinsiplərinə sədaqət əlaməti olaraq, mümkündürsə, həmin azarkeşi “Old Trafford” stadionundakı oyunumuza baxmağa dəvət edirəm”.
Hazırda “Mançester Yunayted” 31 oyundan 51 xalla 7-ci pillədə gedir. Növbəti oyun aprelin 16-da evdə “Norviç”ə qarşı olacaq.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating