Özünü bir müddətdir bloqer kimi təqdim edən Cəmil Quliyev adlı şəxs ona məxsus olan sosial şəbəkə hesabında Yeganə Ağayeva adlı modelin videogörüntülərini paylaşaraq onu insan alveri və narkotik vasitələrin satışını etməkdə ittiham edirdi.
Cenubtv.az olaraq əldə etdiyimiz məlumata görə, bugün, 7 aprel tarixində Yeganə Ağayevanın rəfiqəsi onun mobil telefonuna ardıcıl zənglər edib və onun zənglərə cavab verməməsi narahatlıq yaradıb. Daha sonra onun yaşadığı ünvana yollanıb və Yeganə Ağayevanın intihar etdiyini görüblər. Yeganə Ağayeva təcili olaraq 1 saylı Şəhər Klinik xəstəxanasının toksikologiya şöbəsinə yerləşdirilib və vəziyyəti orta ağır olaraq qiymətləndirilir. Yaxınlarının verdiyi məlumata görə Yeganə Ağayeva intihar etməzdən əvvəl məktub yazıb və məktubunda Cəmil Quliyevin onu intihar həddinə çatdırmasını qeyd edib. Xalqxeber.az olaraq məsələni diqqətdə saxlayıb yeni məlumatlar olduqca sizinlə paylaşacağıq.
