Aşura ilə bağlı aksiyada 1300 litrə yaxın qan toplandı – FOTO
Read Time:3 Minute, 8 Second
Günün yekun nəticələrinə əsasən, Aşura Günü ilə əlaqədar təşkil olunan qanvermə aksiyasında ümumilikdə 2 821 nəfər könüllü donor iştirak edib.
Cənubtv.Az xəbər verir ki, bu barədə Səhiyyə Nazirliyi məlumat yayıb.
Toplanmış qanın ümumi həcmi isə 1 269.45 litr olub.
Saat 14:00-a olan məlumata görə, Aşura günü ilə əlaqədar qan verən donorların sayı 2 534 nəfərə çatıb.
Cənubtv.Az xəbər verir ki, bu barədə Səhiyyə Nazirliyi məlumat yayıb.
Qeyd olunan vaxta kimi toplanmış qanın həcmi isə 1 140.3 litr təşkil edib.
Saat 12:00-a olan ilkin göstəricilərə əsasən, 1 701 nəfər könüllü donor qan verib.
Cənubtv.Az xəbər verir ki, bu barədə Səhiyyə Nazirliyi məlumat yayıb.
Nəticədə ümumilikdə qeyd olunan vaxta kimi 765.45 litr qan toplanıb.
Qafqaz Müsəlmanları İdarəsi (QMİ) sədri, şeyxülislam Hacı Allahşükür Paşazadənin təşəbbüsü ilə Azərbaycandakı dini konfessiyaların rəhbərləri və nümayəndələri Aşura günü ilə əlaqədar qanvermə aksiyasında iştirak ediblər.
Cənubtv.Az “Report”a istinadən xəbər verir ki, tədbir Qafqaz Müsəlmanları İdarəsində təşkil olunub.
İştirakçılar bu təşəbbüsün həmrəylik, humanizm və mərhəmət dəyərlərinin təbliği baxımından mühüm əhəmiyyət daşıdığını vurğulayıblar.
Saat 10:00-a olan ilkin göstəricilərə əsasən, 501 nəfər könüllü donor qan verib.
Cənubtv.Az xəbər verir ki, bu barədə Səhiyyə Nazirliyi məlumat yayıb.
Nəticədə ümumilikdə qeyd olunan vaxta kimi 225.45 litr qan toplanıb.
Bu il qanvermə aksiyası respublikanın 30 şəhər və rayonunda yerləşən 40 məntəqədə təşkil olunub. Məntəqələrin 24-ü məscid və ziyarətgahlarda, 15-i tibb, 1-i isə təhsil müəssisəsində fəaliyyət göstərir.
Bu gün səhər saat 10:00-a olan məlumata görə, 486 nəfər qanvermə aksiyasında iştirak edib.
Cənubtv.Az “Report” xəbər verir ki, bunu Səhiyyə Nazirliyi Respublika Qan Bankının icraçı direktoru Elxan Nağıyev Təzəpir məscidində Aşura günü ilə əlaqədar təşkil olunan qanvermə aksiyası zamanı jurnalistlərə açıqlamasında deyib.
Onun sözlərinə görə, bu il də azad olunmuş ərazilərdə – Şuşa və Ağdam şəhərindəki məscidlərdə qanvermə aksiyası təşkil olunub:
“Ümumilikdə ölkə üzrə 30 şəhər-rayon üzrə 40 müəssisədə bu aksiya həyata keçirilir. Onlardan 24-ü məscid və ziyarətgah, 15-i tibb məntəqəsi, 1-i isə təhsil müəssisədir”.
İcraçı direktor bildirib ki, aksiya saat 16:00-dək davam edəcək.
Aşura günü münasibətilə Azərbaycanda müxtəlif ünvanlarda qanvermə aksiyası keçirilir.
Cənubtv.Az xəbər verir ki, Aşura hicri təqviminin ilk ayı olan məhərrəm ayının 10-cu günü qeyd edilir.
Qanvermə aksiyasının keçirilməsində əsas məqsəd Aşura ilə bağlı bəzi yanlış təsəvvür və adətlərin aradan qaldırılmasına, bu günün mahiyyətinin düzgün izahına, dini mərasimlərin xeyirxahlıq, yardımlaşma, insanpərvərlik dəyərləri əsasında təşviqinə töhfə vermək, eyni zamanda, sosial məsuliyyət hissini gücləndirməkdir.
Aksiya zamanı toplanan qan hemofiliya və talassemiya, həmçinin digər xəstəliklərdən əziyyət çəkən insanların müalicəsində istifadə olunacaq.
Qanvermə aksiyasının keçiriləcəyi ünvanlar:
| S/n | Şəhər, rayon | Qanvermə aksiyasının keçirildiyi yer |
| 1 | Xəzər | Mirmövsüm Ağa Ziyarətgahı |
| 2 | Nəsimi | Əjdərbəy məscidi (Göy məscid) |
| 3 | Nizami | Sahib-əz-Zaman məscidi, Şah Abbas məscidi |
| 4 | Səbail | Bibiheybət məscid ziyarətgahı |
| 5 | Sabunçu | İmam-Rza məscidi |
| 6 | Suraxanı | Qaraçuxur məscidi |
| 7 | Yasamal | Təzəpir məscidi, İlahiyyat İnstitutu |
| 8 | Binəqədi | Came məscidi, İmam Əli məscidi |
| 9 | Gəncə | İmamzadə məscid ziyarətgah kompleksi |
| 10 | Lənkəran | Mərkəzi Qan Bankının Lənkəran bölməsi |
| 11 | Mingəçevir | Heydər məscidi |
| 12 | Sumqayıt | Cümə məscidi |
| 13 | Şəki | İmam Əli məscidi |
| 14 | Şirvan | Şirvan şəhər məscidi |
| 15 | Bərdə | İmamzadə ziyarətgah məscidi |
| 16 | Quba | Mərkəzi Qan Bankının Quba bölməsi |
| 17 | Masallı | Cümə məscidi, Boradigah qəsəbə xəstəxanası |
| 18 | Göyçay | Əbülfəzlil Abbas məscidi |
| 19 | Xaçmaz | Rayon Mərkəzi Xəstəxanası |
| 20 | Salyan | Hacı Tağı məscidi |
| 21 | Şuşa | Yuxarı Gövhər ağa məscidi |
| 22 | Ağdam | Ağdam şəhər Cümə məscidi |
| 23 | Naxçıvan şəhəri | Heydər məscidi, Sarvanlar məscidi, Pirqəmiş məscidi |
| 24 | Babək | Mərkəzi Rayon Xəstəxanası, Qahab, Cəhri və Nehrəm kənd həkim məntəqələri |
| 25 | Ordubad | Rayon Mərkəzi Xəstəxanası |
| 26 | Culfa | Rayon Mərkəzi Xəstəxanası, Bənəniyar kənd həkim məntəqəsi |
| 27 | Şahbuz | Rayon Mərkəzi Xəstəxanası |
| 28 | Kəngərli | Rayon Mərkəzi Xəstəxanası |
| 29 | Sədərək | Rayon Mərkəzi Xəstəxanası |
| 30 | Şərur | Rayon Mərkəzi Xəstəxanası |
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating