Yağan güclü yağışdan sonra dağlardan gələn sel suları nəticəsində Bakı-Şamaxı-Yevlax avtomobil yolunun Göyçay rayonu, Qaraməryəm kəndi ərazisindən keçən hissəsi təmirə bağlanıb.
Bu barədə Fövqəladə Hallar Nazirliyindən (FHN) bildirilib.
Qeyd olunub ki, hazırda aidiyyəti dövlət qurumları tərəfindən koordinasiyalı şəkildə müvafiq zəruri tədbirlər görülür.
İctimaiyyətə əlavə məlumat veriləcək.
17:42
Güclü yağış nəticəsində yaranan sel suları Bakı-Şamaxı-Yevlax avtomobil yolunda hərəkəti məhdudlaşdırıb.
Oxu.Az xəbər verir ki, sel nəticəsində yol örtüyünə və yol qurğularına ziyan dəyib. Ərazidə yerləşən obyektlər su altında qalıb.
Sakinlərin bildirdiklərinə görə, sel xırdabuynuzlu heyvanları da aparıb.
Hazırda Bakı-Şamaxı-Yevlax avtomobil yolunda hər iki istiqamətdə hərəkət məhdudlaşıb.
