Döyüb qabırğalarını qırdığı keçmiş arvadı kişini BAĞIŞLADI
Read Time:55 Second
Lənkəranda sahibkar həyat yoldaşını xüsusi amansızlıqla döyüb.
Cenubtv.Az Oxu.Az-a istinadən xəbər verir ki, hadisə rayonun Boladi kəndində baş verib. Kənd sakini, sahibkar-fermer Anar Məhərrəmov 1994-cü ildə ailə həyatı qurub və onun bu nikahdan 5 övladı dünyaya gəlib.
Bir müddət əvvəl Anar həyat yoldaşı ilə rəsmi boşansalar da, bir evdə yaşamaq qərarına gəliblər.
Kənd təsərrüfatı və heyvandarlıqla məşğul olan Anar ayrı yaşadıqları dövrdə fermadan evinə gəlib və sabiq həyat yoldaşında smartfon telefon görüb. O, telefonu hardan aldığını soruşanda məlum olub ki, cihaz onların övladlarına məxsusdur. Anarla keçmiş həyat yoldaşı arasında buna görə mübahisə düşüb və bu zamanı kişi qadını xüsusi amansızlıqla döyüb. O, qadını saçından tutaraq başını divara çırpıb və yerə yıxıb, daha sonra isə ona ağır təpik zərbələri endirib.
Ağır xəsarətlərlə xəstəxanaya yerləşdirilən qadının müayinəsi zamanı məlum olub ki, zərbələrdən onun 3 qabırğası qırılıb, baş və bədəninin digər nahiyələri zədələnib.
Hadisə barədə polisə məlumat daxil olub. Polis əməkdaşlarının keçirdikləri tədbirlərlə hadisəni törətməkdə şübhəli bilinən Anar Məhərrəmov saxlanılıb.
Faktla bağlı cinayət işi başlanılıb və iş məhkəməyə göndərilib. Məhkəmə istintaqı zamanı tərəflər arasında barışıq elan olunduğundan cinayət işinə xitam verilib.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating