2023-cü ildə qeydə alınmış məişət zorakılığı ilə bağlı cinayətlər nəticəsində 1 513 nəfər zərər çəkib.
Bu, bütün cinayətlər nəticəsində ümumi zərərçəkənlərin (24 287 nəfər) 6,2 faizini təşkil edir.
Modern.az-a istinadən Cenubtv.az xəbər verir ki, bu məlumat Dövlət Statistika Komitəsinin Daxili İşlər Nazirliyinin hesabatı əsasında hazırladığı statistikada qeyd olunub.
Rəsmi məlumata görə, Azərbaycanda məişət zorakılığı nəticəsində zərərçəkənlərin sayı artıb. Bu artım 2022-ci illə müqayisədə 2,6 faiz təşkil edib.
Məişət zorakılığı ilə bağlı cinayətlər nəticəsində zərərçəkənlərin 80,9 faizi qadınlar, 0,7 faizi isə yetkinlik yaşına çatmayanlar olub.
Əvvəlki illə müqayisədə bu cinayətlər nəticəsində ölənlərin sayı 8,8 faiz artaraq 74 nəfər (onlardan 49-u qadınlar) olub.
